Let's Free Philippines

Tila ginamit pang palusot ng isang babae ang pagkakaroon ng aberya ng G-cash noong nakaraang linggo upang hindi mabayaran ang utang nito.

Photo credit to the owner

Aniya, hindi raw niya mabuksan ang kanyang G-Cash account upang mabayaran ang halos isang taon na niyang utang sa kanyang kumare.

Sa Facebook post ng netizen na si Chung Dela Cruz Ubas, in-upload nito ang screenshot ng mensahe ng kanyang kumare.

Ayon sa mensahe, “Be di maopen GCash. Andun sana pambabayad ko sayo. Kinakabahan ako.”

Ayon naman kay Chung, mukhang nakahanap ng palusot ang kanyang kumare.

“Last year pa Yung utang mo mare . 🤣 Nakahanap pa ng palusot 🤣.”

Ayon sa mga netizens, dapat raw ay cash basis only ang pagbabayad ng utang.

***

Source: News Keener

Philippine News Updates , philippines covid response , Philippines Duterte News , Philippines trending news

Kumare, ginamit na palusot ang G-Cash upang hindi makapagbayad ng utang

wokes Sunday, May 14, 2023

Photo credit to the owner

Sa wakas ay nagsalita na o nagbigay na ng reaksyon ang dating karelasyon ng komedyanteng si Pokwang na si Lee O’Brian.

Ilang buwan din itong nanahimik sa walang tigil na patutsada ni Pokwang sa isyu ng kanilang hiwalayan.

Hindi kagaya ng masasakit at maaanghang na pahayag mula kay Pokwang ang naging pahayag ng Amerikano sa isang panayam ng PEP sa kanya. Maayos at maikli lamang ito.

Aniya, hindi mawawala at mananatili sa kaniyang puso ang pagmamahal niya sa kanilang anak, gayundin sa nanay nito.

“All I can say is, I love my daughter more than anything in this world. And you know what, I always have love for the mother of my child because she brought my child into this world. And that’s my story. That’s all I can say. I hope for the best for everyone involved, the most for my daughter,” ani Lee ayon sa PEP.

***

Source: News Keener

Philippine News Updates , philippines covid response , Philippines Duterte News , Philippines trending news

Lee O’Brian, nagsalita na sa mga patutsada ni Pokwang

wokes

Umani ng atensyon at katatawanan sa mga netizens sa social media ang usapan sa pagitan ng isang architect at customer na nagtatanong kung magkano ang blue print para sa disenyo ng kanyang bahay na ipapatayo.

Photo credit to the owner

Sa Facebook page na “Palacio Architectural Services”, ibinahagi nito ang screenshot ng naturang usapan.

Mababasa sa kanilang usapan ang pagtatanong ng customer kung magkano ang presyo ng architectural design para sa 150 square meters na lote.

Sagot naman ng arkitekto, ₱105k ang singil nila para sa 150 sqm floor area kasama na ang printing at revisions.

Tila namahalan ang customer sa presyong ibinigay ng architect. Sagot nito, ipapadrawing na lamang ito sa inaanak niyang Architecture student na libre pa.

“kamahal mo nmn pala maningil. ipa drowing ko na nga lang sa inaanak kong arcitec student libre pa. haha,” sabi ng customer.

“Ok ma’am I understand po. Just let me know if magbago po isip n’yo,” sagot naman ng arkitekto.

Ngunit tila humirit pa ng tawad ang customer, “Kaya ₱1500? hehe.”

Komento naman sa FB page sa pamamagitan ng caption.

“Architectural design is no easy task. The structural integrity of any building lies in thorough planning and proper execution.”

“Trusting a licensed professional to design and build your house is just as important as getting the right doctor to perform surgery,” ayon sa caption.

Umani naman ito ng iba’t ibang reaksiyon at komento mula sa netizens.

“Akala yata ng mga tao, drawing-drawing lang ang archi design hahaha.”

“Samin dito ₱35k design pa lang.. wala pa structural, plumbing, and electrical design na ‘yan.. mahal po talaga kasi hindi easy… I tried using online apps halos mabaliw ako hahahaha di ko keri.”

“She doesn’t have any true idea of the profession. We just have to manage when we have clients like this and maybe time for us to share what architect and architecture is.”

“Imagine you worked hard to pass every semester, years and years of studying, passed the board exam at magiging salary mo is 1500.”

***

Source: News Keener

Philippine News Updates , philippines covid response , Philippines Duterte News , Philippines trending news

Usapan ng isang architect at barat na customer, umani ng katatawanan sa mga netizens

wokes Sunday, May 7, 2023

Para kay Cristy Fermin, kawalan ng utang na loob ang hindi pakikiramay ni Liza Soberano sa kanyang dating manager na si Ogie Diaz.

Photo credit to the owner

Kamakailan kasi ay pumanaw ang ina Ogie.

Limang araw na ibinurol ang ina ni Ogie ngunit hanggang sa mailibing ito ay walang natanggap na condolences mula kay Liza.

Hindi umano katanggap-tanggap ang ginawa na ito ni Liza lalo na at may pinagsamahan sila ni Ogie.

“Hindi ko alam kung bakit ni maiksi na condolences, isang salita ay hindi nakapagpadala itong si Liza Soberano kay Tito Ogie niya.

“Alam naman niya na isang dekada mahigit ang kanilang pinagsamahan. Alam naman niya na nabago ang estado ng kanyang buhay dahil sa tulong sa kanya ni Ogie Diaz,” lahad ni Cristy.

“Itong ginawa ni Liza Soberano, para sa akin, opinyon ko lamang po ito mga ka-chika. Hindi ko po kayo inaamuki na sumang-ayon sa akin. Hindi ko po kayo sinasabihan at pinapakiusapan na kampihan n’yo po ako.

“Para po sa akin ang ginawa ni Liza Soberano kay Ogie Diaz nung mamayapa ang kanyang ina ay kawalan ng utang na loob. Ito po ay para sa akin. Kawalan ng utang na loob sa mga tao o sa isang tao na tumulong at nagpabago ng kanyang buhay habang sila ay magkasama… Hindi ko matatanggap ‘yun Romel, hindi ko matatanggap talaga,” patuloy ni Cristy.

Maging ang boyfriend ni Liza na si Enrique Gil ay hindi rin nakiramay kay Ogie.

***

Source: News Keener

Philippine News Updates , philippines covid response , Philippines Duterte News , Philippines trending news

Hindi pakikiramay ni Liza Soberano kay Ogie Diaz, kawalan ng utang na loob - Cristy Fermin

wokes Friday, May 5, 2023

Masakit man sa kalooban ni lola Ignacia, mula sa Tondo, Maynila, na ipaampon ang kanyang pinakamamahal na alagang aso ay wala siyang magagawa dahil hindi na niya ito kayang alagaan pa matapos niyang ma-stroke.

Photo credit: AKF

“Na-stroke po ako at ito na lamang ang naisip kong paraan para isurrender siya. Sa sino man po ang makakakuha sa kaniya, sana ay mahalin at alagaan ninyo nang mabuti ang aso ko…”

Ayon sa Animal Kingdom Foundation (AKF), isang non-government organization, natanggap nila ang sulat ni Lola Ignacia kasama ang aso nito na nakasilid sa isang kahon.

“The letter was in the box, with the dog when found,” saad ng AKF.

Sa kanilang Facebook post ay ibinahagi ng AKF ang nakakaantig na sulat ni lola Ignacia.

Photo credit: AKF

“Humihingi po ako ng pasensya dahil ako ay may karamdaman at di ko na maalagaan ang aso ko na ‘di makatayo,” saad ni Lola sa kaniyang sulat.

Kwento ni lola, nag-utos lamang siya sa tricycle driver kung saan pwedeng ibigay ang kaniyang aso, at ibinilin dito na sana’y maipagpatuloy ng mag-aampon ang pagpapainom ng gamot ng kaniyang alaga.

Photo credit: AKF

Mababasa naman sa post ang sagot ng AKF sa sulat ni lola at sinabing nasa kanila na ang aso at nangakong, tulad ng kaniyang bilin, ay aalagaan nila ito nang maayos.

“Nakalulungkot na kailangan po ninyong gawin ito pero naiintindihan po namin ang iyong sitwasyon,” saad ng AKF.

“Ipagdadasal rin po namin kayo, na lumakas at gumaling. at kung sakali man, bukas po ang aming tanggapan upang inyong makasamang muli ang inyong mahal na alaga,” dagdag nito.

Photo credit: AKF

Dahil hindi raw nailagay ni Lola Ignacia ang pangalan ng kaniyang mahal na aso, tatawagin na muna raw ng AKF ito na “Tonton”.

Nanawagan rin ang AKF na sana’y mahanap nila si lola Ignacia upang ma-update nila ito sa kalagayan ni Tonton.

Si Tonton ay dadalhin sa isang shelter sa Capas, Tarlac.

Nangako rin ang AKF kay Lola na ipatitingin nila si Tonton sa doktor upang malaman ang dahilan ng kaniyang pagkaparalisa.

Sa ngayon ay uambot na sa mahigit 17k reactions at 3k shares ang post ng AKF.

***

Source: Animal Kingdom Foundation | Facebook

Source: News Keener

Philippine News Updates , philippines covid response , Philippines Duterte News , Philippines trending news

Lolang na-stroke, pinapaampon ang alagang aso sa pamamagitan ng isang sulat

wokes Thursday, May 4, 2023

Sa panahon ngayon ay usong-uso na ang online shopping at idedeliver pa mismo sa inyong bahay ang mga ordered items.

Photo credit: Bea Aspiras

Napakadali ng gawin ang lahat dahil halos lahat ay mayroon ng access sa internet. Ngunit mayroon talagang mga ilang insidenteng hindi natin inaasahan.

Samantala, naawa at nahabag ang isang netizen sa delivery rider na halos isang oras umanong naghihintay sa kanyang customer.

Sa Facebook post ni Bea Aspiras, sinabi nitong halos isang oras na niyang nakikitang naghihintay ang rider sa kanyang customer habang tirik na tirik ang araw.

Photo credit: Bea Aspiras

Aniya, makikita mo raw sa mukha nito ang pagod ngunit paglabas ng customer ay nakangiti pa rin itong bumati.

Dagdag pa niya, may edad na rin daw ang delivery rider pero maayos pa rin nitong ginagawa ang kanyang trabaho.

Pakiusap ni Bea sana raw ay huwag sasaktan at mumurahin ang mga katulad nila.

“respeto na lang sa trabaho nila," sabi ni Bea.

Sa ngayon ay umabot na sa 55k reactions at 21k shares ang post ni Bea.

Narito ang buong post ni Bea:

"Nakita ko si Manong rider sa labas ng ganito, almost 1hr din syang naghintay dun sa customer. Honestly, nakaka-awa talaga sila makitang ganito lalo na't pag nakita mo yung itsura nila na halatang pagod na. Nung lumabas yung Customer, Binati sya ni Manong nang nakangiti. And he's old na guys but still manage to do his job. Kudos to you Manong," saad ni Bea.

"Kaya guys, di nila deserve saktan at murahin. They're patiently waiting for us to get our order's, yung ibang customer lang talaga walang patience minsan. di po natin alam kung ano lagay nila sa kalsada, respeto na lang sa trabaho nila," dagdag niya.

Narito ang ilang komento ng mga netizens:

***

Source: Bea Aspiras | Facebook

Source: News Keener

Philippine News Updates , philippines covid response , Philippines Duterte News , Philippines trending news

Delivery rider, isang oras naghintay sa kanyang customer habang tirik na tirik ang araw

wokes Wednesday, May 3, 2023

Nakakaantig ng puso ang madamdaming mensahe ng netizen na si Ma. Criszelda “Crizete” Baclay, sa kanyang ina na si Norma Backlay na namayapa noong 2007.

Photo credit: Ma. Criszelda “Crizete” Baclay

Sa kanyang Facebook post, ibinahagi ni Crizette ang mga larawan ng dalawin niya ang puntod ng ina upang i-alay ang diploma na katunayang siya ay nakapagtapos ng pag-aaral sa kolehiyo.

“Eto na ang isa sa mga ipinangako ko sa inyo at kay Papa buntis pa lang ako sa bunso. Aayusin ko ang buhay ko dahil sa hirap na dinanas ko. Hindi nga kayo naniwala sa akin ‘di ba noong sumulat ako sa inyo sabi ko darating ang araw gaganda ang buhay ko, yayaman ako. Kasi matigas ang ulo ko kasi ang aga ko nagkaanak, apat pa at walang sustento.”

“Hanggang sa mawala ka. Si Papa naman nagagalit kasi gusto ko mag-aral. Pahirapan pa sarili wala naman akong pera. Pero mas mahirap maliitin ka ng mga tao. Napakatigas daw ng ulo ko Mama pinapalayas kami ni Papa. Pinagpipilitan ko raw ang gusto ko. Hindi ko pinagsisihan yun Ma kahit nahirapan ako kasi alam ko malayo mararating ko.”

“Yan na Ma, pinagsikapan ko ‘yan. Puyat, pagod, luha, hirap at nagkasakit pa ako. Nakatapos na ako Mama. Disappointed man kayo at bata ang naging diploma ko noon. Ako na ngayon ang kauna-unahan mong anak na nakapagtapos ng college. Alam ko masaya ka. Si Papa tinanong ko s’ya kanina. ‘Masaya ka na ba Papa, proud ka na ba sa akin?’ ‘Oo, masaya,’ sagot niya na umiiyak din.”

“Masaya ako Mama. Masaya ako na sa wakas proud na kayo sa akin. Ang pangarap ninyo na makatapos ako, natupad na sa awa at tulong ng Panginoon. Salamat sa Kaniya dininig ang panalangin ko.”

“Ang black sheep na anak, naka-black toga na. Glory to Jesus,” aniya.

Ibinahagi rin ni Crizette ang ilan sa kanyang mga pinagdaanang pagsubok sa panahon ng kanyang pag-aaral. Bukod sa single parent ay dalawa ang trabaho ni Crizette: tagalinis sa araw at masahista naman sa gabi.

Pinasalamatan ni Crizette ang mga taong nasa likod ng kaniyang tagumpay, mula sa kaniyang pamilya, boyfriend, mga kaibigan, kliyente, boss, at mga guro.

Si Crizette ay nagtapos ng BS Entrepreneurship sa Cavite State University.

***

Source: Ma. Criszelda “Crizete” Baclay | Facebook

Source: News Keener