Naging usap-usapan sa socmed kamakailan lamang ang video ng isang babaeng YouTube vlogger matapos siyang sabunutan ng asawa ng lalaking kinausap niya para buhusan siya ng "ice bucket" para sa isang challenge na ginagawa niya sa kaniyang YouTube channel.
Sa video na ibinahagi ng socmed page na "Gold Vines PH" na orihinal na galing kay "Amber Lin", makikita ang isang babae, na marahil ay ang vlogger, na tila nahihiya pang lumapit sa isang lalaki na kakarating lang sa convenience store na 7/11.
Tinanong niya ngayon ang lalaki kung maaari ba niya itong kunin para buhusan siya ng "ice bucket" bilang parte ng challenge na kaniyang ginagawa.
Pumayag naman ang lalaki at tinanong ang babae kung saan nila ito gagawin. Tinuro naman ng babae ang isang pwesto sa harapan ng naturang convenience store.
Matapos mapapayag ang lalaki at maging ayos na ang lahat kung saan nila gagawin ang nsabing challenge, kinuha ng vlogger ang isang timba na naglalaman ng ibubuhos sa kaniya sa kaniyang sasakyan.
Makalipas ang ilang sandali, ginawa na ng vlogger ang naturang "ice bucket" challenge sa tulong na din ng lalaki na pinakiusapan niya.
Ngunit, bigla na lamang mayroong babae na lumapit, na marahil asawa o kasintahan ng lalaki, at pinaghahampas na lamang bigla ang lalaki. Maging ang timba na ginamit kani-kanina lamang ng vlogger at ng lalaki ay binalibag din nito!
Sinubukan awatin ng vlogger at ng kasama niyang nagvi-video ang babae sa ginagawa nito sa lalaki. Nakalayo din naman ang lalaki ilang sandali lamang ngunit ang vlogger naman ang siyang sinabunutan ng babae.
Humingi naman ng pasensya ang vlogger sa susunod na bahagi ng video dahil hindi daw niya inaasahan ang pangyayaring iyon. Sa katunayan nga nyan, nanginginig pa din daw siya hanggang sa mga oras na iyon.
Ayon sa vlogger, pinaliwanag naman daw niya sa babae ang nangyari bago umuwi ang mga ito. Hiling lamang ng vlogger na sana ay hindi na mag-away pa ang dalawa hanggang sa makauwi na sila sa kanilang tahanan. Muli pa ay humingi ng tawad ang vlogger dahil sa nangyari.
Umani naman ng iba't ibang komento ang nasabing video sa maraming netizens. Narito ang ilan sa kanila:
"Ice bucket challenge with extra sabunot. dko alam kng mtatawa ako maawa ako.."
"lukarit ka kasi. mga kabataan ngayon wala ng tamang attitude. dapat nagdala ka na din ng sabon at shampoo. papansin... ..."
"Grabe naman si ateng sugod agad di ba pde mag tanong una wala naman mali ginawa yun vloger hahahaha naawa ako sa vloger."
Sa ngayon, umabot na sa mahigit na 186,000 reactions, 27,000 comments, at 52,000 shares ang nasabing post.
Source: The Relatable
No comments