Ayon sa balita, ang pagkadismaya umano ng lalaki ay nauwi pa sa pagwawala nito sa nasabing restaurant. Nagalit din ng sobra ang lalaki sa babaeng naka-date niya at nagbanta pa na baka masaktan niya ito.
Paborito pala kasi ng nasabing lalaki ang "We Bare Bears" kaya nito nagustuhan ang kaniyang babaeng naka-date.
Sila daw ay nagkakilala sa isang online dating application kung saan ang larawan ng babae ay mayroong filter na "We Bare Bears".
Matapos makita ang larawan ng babae, hindi na nagpatumpik tumpik pa ang lalaki at nanligaw na kaagad sa babae. Hindi kalaunan ay sinagot na din naman siya ng nasabing babae. Saad ng lalaki, sa tuwing nagpapadala ang babae ng larawan sa kaniya ay mayroon itong gamit na filter na "We Bare Bears".
Ngunit nadismaya lamang ang nasabing lalaki nang makita niya ang mukha ng babae sa isang restaurant.
Nagkasagutan at nag-away pa umano ang mga ito sa restaurant na muntik pang humantong sa pisikal na pagsasakitan dahil lamang sa walang sticker na "We Bare Bears" ang mukha ng kaniyang ka-date.
Labis na nagalit ang naturang lalaki dahil hindi nito nakita ang "We Bare Bears" sa mukha ng babae.
Aniya,
"Ano ba yan nakakadisappoint naman. Diba may we bare bears stickers ka sa mukha, bakit sa personal wala? Galit ako, gusto ko may we bare bears. Sige uwi kana."
Dahil dito, naging emosyonal naman ang babae dahil sa hindi magandang ugali na ipinakita ng ka-date at boyfriend niya sa kaniya dahil lamang sa bagay na iyon. Hindi pa nga umano nito napigilan umiyak nang sagutin niya ang pahayag ng dismayadong lalaki.
Bumanat din dito ang babae at sinabing kahit pangit ang lalaki ay hindi naman siya nagreklamo dito.
Ani ng babae,
"Grabe naman ugali mo, hindi mo naman pala ako mahal. Sige hala ito jowain mo na lang yung filter. Ikaw nga pangit eh pero di ako nagalit. If you can't love me at my worst then you can't have me at my best."
Nagbigay naman ito ng katuwaan sa mga netizens at ang ilan sa kanila ay hindi pa makapaniwala na nag-away ang dalawa dahil lamang sa bagay na ito at muntik pang magkasakitan.
Ang pangyayaring ito ay nangyari talaga sa totoong buhay kaya naman din viral agad ito sa social media. Kahit pa man ang ilan ay naawa sa babae, idinaan na lamang ng mga netizens sa biro ang payo nila para rito.
Source: The Relatable
No comments