Nagbahagi si Anghella QD Sta. Maria ng kaniyang dalawang litrato kung saan ang isa ay mula sa beauty pageant suot ang isang eleganteng damit, at isa habang nagtatrabaho dala ang lalagyan ng tubig. Nagtamo ang post niyang ito ng iba't ibang reaksiyon, online.
Sinabi niyang may mas malaki siyang responsibilidad kaysa magmukhang presentable sa publiko sa lahat ng oras.
Inamin din niyang madalas siyang kutyain ng sarili niyang mga kaibigan at kamag-anak, pero hindi niya dinadamdam ang mga sinasabi ng mga ito.
Binanggit din niyang inuuna niyang magsikap upang mabuhay niya ang kaniyang pamilya, at isantabi muna ang pag-aasam ng mga bagay na hindi naman kailangan o "luho", sapagkat kinakailangang magsakripisyo upang mabigyan ng magandang buhay ang pamilya.
Ayon pa sa kaniya, kahit ipinanganak siyang mahirap, napalaki naman siyang maayos at may mabuting asal, siya rin daw ay may puso para sa lahat.
Nagpahayag naman ng paghanga ang mga netizens sa dalaga. Hindi rin maiwasang puriin ang huli. Minulat din ng dalaga ang mata ng mga tao kaugnay sa ganitong usapin.
“I’m glad to inspire my fellow youth and I am grateful for the love and support you have me to strive further.” ,ani Anghella sa kamakailan lamang niyang post. Nagpasalamat din siya sa mga taong nagpahalaga sa kaniyang pahayag.
Umani na ng 54K likes at reactions at 50K share ang post ni Anghella sa Facebook, sa ngayon.
Source: The Relatable
No comments