Pagkatapos ng mahabang araw, nais lamang magpahinga ng karamihan sa kanilang mga tahanan.
Ang kaginhawaan ay nakabatay sa kung ano ang iyong nakikita sa kapaligiran. At iyon ang magdadala sa iyo ng magandang pakiramdam.
Aniya, sinubuman niyang bumili ng bagong puting kobre-kama upang gawing kahali-halina ang kaniyang silid-tulugan. Dinagdagan pa niya ito ng pulang rosas katulad ng nakikita karamihan sa internet kung saan isinasambulat ang mga talulot ng rosas sa kama, o maaari ring gumawa ng mga hugis o disenyo na angkop sa gusto ng tao.
Kadalasang ginagawa ang ganito sa mga lugar kung saan nagde-date ang mga magkasintahan o mga mag-asawa. Subalit mas sikat ang ganitong pamamaraan sa mga bagong kasal na nasa honeymoon. Ang ganitong istilo ay patok sa mga tuluyan kagaya ng honeymoon suite sa isang hotel.
Ngunit hindi naging romantiko ang kinalabasan ng ginawa ng lalaki, kundi tila isang senaryo kung saan may nangyaring krimen. Waring mga dugo ang mga pulang rosas dahil sa kulay nito. Katakot-takot at hindi kaaliw-aliw ang tagpong ito.
Matapos ipost ang nangyaring ito sa twitter account ng lalaki @JohnDonighue64, marami ang nakapansin at dinagsa ito ng napakaraming komento. Iba-iba ang kanilang sinabi, ngunit halos lahat ay nagbiro ukol sa nangyari.
That awkward moment when you realise that your romantic new ‘white with rose bud’ bedding set makes your boudoir resemble a particularly gruesome crime scene... pic.twitter.com/JATDMpFBQT
— John Donoghue (@JohnDonoghue64) January 20, 2020
Maaaring nasa kalidad ng sapin sa kamang binili online ang nagdulot ng problemang ito. Hindi lahat ng paglalarawan sa mga produktong tulad nito ay tama, makikita mo na lamang talaga ang totoong lagay nito pag dumating na ang biniling gamit.
Siguruhun lagi ang kalidad ng mga ito. Laging pumili ng mga produktong makakapagdala ng kasiyahan at hindi kadismayaan. Tiyakin ding tunay ang mga ito pati na rin kung mapagkakatiwalaan ba ang bilihan, lalo na ngayong marami rin ang nahuhumaling sa online shopping.
Source: The Relatable
No comments