Kwento ng netizen, laking panghihinayang at sobrang pagsisisi ang kaniyang naramdaman dahil siya ay nagtiwala sa umano'y tattoo artist dahil sa hindi magandang resulta na kinalabasan sa permanent tattoo na ginawa sa kaniyang kilay.
Sinubukan umano ng netizen na magpalagay ng tattoo sa kaniyang kilay dahil na din sa kagustuhan na magkaroon ng magandang kilay.
Ayon sa ilang screenshot ng conversation nila ng nasabing lalaki, makikita na siniguro nito na magiging maganda ang kakalabasan ng pagta-tattoo nito sa kaniyang kilay.
Ngunit, ang inaasahan na magandang kilay ng netizen ay nauwi lamang sa pagkadismaya at pagkapahiya dahil puro kritisismo lamang ang kaniyang tanggap dahil sa pina-tattoo na kilay.
Sa iba pang larawan na ibinahagi ng nasabing netizen, makikita na hindi pantay at naging makapal ang kilay na kaniyang pina-tattoo. Dahil dito, hindi na lumalabas ng bahay ang netizen sa kanilang bahay dahil siya ay nahihiya sa itsura ng kaniyang kilay.
Sinubukan naman nila na makausap muli ang lalaki upang maayos ang kaniyang kilay dahil nga sa hindi magandang resulta nito. Sumagot naman umano ang lalaki sa tawag nila at pinayuhan siya na ipagpatuloy lamang ang paglalagay ng petroleum jelly nang sa gayon ay mabawasan ang kapal ng tattoo na nakalagay sa kaniyang kilay.
Sinabi pa ng nasabing lalaki na hindi pa naghihilom o gumagaling ang tattoo kaya naman makapal pa di ito. Dagdag pa ng lalaki na sigurado siya na maganda ang magiging resulta nito kaya naman dapat lamang siyang pagkatiwalaan ng netizen.
Ngunit, ang makapal na tattoo sa kilay ng netizen ay hindi pa din nawawala at wala pa ring pagbabago dito kahit ilang araw na ang lumipas.
Ayon naman sa nasabing lalaki, ang netizen ang mayroong kasalanan kaya naging ganoon kakapal ang kaniyang pagkaka-tattoo sa kilay nito. Malikot daw kasi ang netizen habang ito ay nilalagyan ng tattoo.
Saad ng netizen sa kaniyang Facebook post, binlock na umano siya ng naturang tattooo artist kaya naman galit at malaki ang hinanakit niya dito. Sinabi ng netizen na ang nasabing lalaki ang responsable sa nangyari sa kaniyang kilay kaya wala itong karapatan na pagtaguan o tumakas sa kaniya.
Nagbanta din ang netizen sa kaniyang post at sinabi na kapag hindi pa nagpakita ito o nakipag-usap sa kaniya para ayusin ang nilagay nitong tattoo sa kaniyang kilay ay ipapahanap niya ito at ipademanda dahil sa ginawa nito sa kaniya.
Kahit pa man maraming netizens ang naaliw sa naging resulta ng kilay ng nasabing netizen, isang panloloko pa din ang ginawa ng lalaki sa netizen na kung saan ito ay dapat lamang niyang panagutan at harapin ang naging resulta nito.
Source: The Relatable
No comments