Sigurado marami sa atin ang nagtataka at nagtatanong kung totoo nga ba ang mga balita na kumakalat na si Sarah Geronimo ay lilipat na sa GMA Network. Ito ay matapos mag-post ng Popstar Royalty sa kaniyang social media account ng kaniyang larawan na may kalakip na logo ng Viva at GMA-7.
Ani Sarah sa caption ng kaniyang post,
"Just a business decision nothing personal. Big announcement soon!"
Ngunit ayon sa kaniyang mga fans, wala pa namang inaanunsyo si Sarah sa ngayon kaya ang tangi lamang natin magagawa ay maghintay at tignan kung ano nga ba ang magiging desisyon ng singer sa kaniyang bagong karera.
Ang VAA ang siyang humahawak ng career ni Sarah magmula nang ito ay sumali sa industriya ng showbiz. Alam naman natin na sa mundo ng show business, maraming mga mata at tenga ang magoobserba sayo, maging sa bawat galaw o desisyon na iyon gagawin.
Katulad na lamang ni Sarah Geronimo ay isa sa mga Kapamilya star na naiulat na lilipat ng ibang TV network dahil sa pagsasara ng Kapamilya network.
Gayunpaman, marami na ding mga Kapamilya stars ang nagpasyang lumipat ng ibang TV stations. Si Ria Atayde ay isa lamang sa mga ito kung saan ang actress ay lumipat sa TV5 Network. Siya ang magiging bagong host ng upcoming morning show ng Kapatid network na "Rise and Shine".
Samantala, si Jessy Mendiola naman ay magiging host ng healthy show sa TV5 na "Fit for Life". Si Pokwang naman ang magiging bagong co-host ni Jose Manalo para sa bagong game show sa naturang network.
Sa kabilang banda, si Vice Ganda naman ang kauna-unahang contract artist ng Viva Entertainment na magkakaroon ng sarili niyang exclusive entertainment website. Ito ay ang viceganda.com.
Marami pa din namang mga Kapamilya artists ang nagpasyang manatili sa ABS-CBN para ipakita ang kanilang katapatan at magbigay respeto na din para sa kontrata na kanilang pinirmahan.
Source: The Relatable
No comments