Ang pagdiriwang ng kaarawan ay isa sa mga pinaka espesyal na kaganapan sa ating buhay. Ito ay matututring na isang malaking pagpapala dahil mayroong bagong buhay na binigay sa atin. Ang ating kaarawan ay nangyayari lamang isang beses sa isang tao kaya naman ginagawa ng ilang mga tao ang kanilang makakaya upang gawin itong espesyal at hindi malilimutan.
Kamakailan lamang, ipinagdiwang ng singer at aktress na si Ciara Sotto ang kaniyang ika-40 kaarawan.
Para kay Ciara, wala na siyang ibang hihilingin pa kundi ang pagpapasalamat sa paggabay sa kaniya ng Panginoon, pagkakaroon ng malusog na pangangatawan, at pagdagdag muli ng isa pang taon sa kaniyang buhay at edad.
Samantala, mayroon namang temang kulay ginto at lilang ang birthday bash ng celebrity pole dancer noong Huwebes, Hulyo 2, 2020.
Sa kaniyang Instagram account, pinasalamatan ni Ciara ang mga taong hindi umalis sa kaniyang tabi, minahal at sinuportahan siya sa loob ng apat na dekada.
Ayon kay Ciara, ang kaniyang sister-in-law na si Joy Sotto at boyfriend na si Ian Austin ang siyang nagplano ng mga kaganapan sa kaniyang kaarawan upang siya ay mabigyan ng isang "whole day of surprises."
Si Ciara Sotto o Ciara Anna Gamboa Sotto sa totoong buhay ay isa sa mga pinakasikat na mang-aawit at aktress sa Pilipinas. Siya ang bunsong anak na babae ni Senador Vicente "Tito" Sotto III at aktres na si Helen Gamboa-Sotto.
Unang lumabas si Ciara sa telebisyon sa programang "Eat Bulaga" noong siya ay 6 taong gulang pa lamang. Hindi nagtagal, naging isang regular host si Ciara sa nasabing programa mula 2005 hanggang 2012.
Si Ciara ay ikinasal noong 2010 sa negosyante na si Jojo Oconer kung saan sila ay biniyayaan ng anak na lalaki na si Vicenzo Jose. Ang kanilang pagsasama ay nagtagal ng 6 na taon. Noong Enero 2016, si Ciara at si Jojo at napagpasyahang maghiwalay na.
Sa ngayon, masaya na si Ciara sa piling ng kaniyang kasintahan na si Ian Austin. Isinapubliko ng singer ang kaniyang relasyon kay Austin noong Nobyembre 18.
Source: The Relatable
No comments