Tahanan ang nagkukubli sa tao mula sa iba't-ibang kalamidad. Ang katibayan ng isang bahay ang nagpaparamdam sa tao ng seguridad, at nakakapagpahimbing ng tulog sa gabi. Mawawalan din ng takot kung naroroong kailangang iwanan ang bahay at walang bantay. Gayundin sa mga bagyo at lindol na maaaring magdulot ng pinsala.
Nararapat na ito'y matibay. Mayroong matatag na pundasyon at dekalidad na mga materyales ang ginamit dito.
Katulad na lamang ng hollow blocks. Ito ang pinaka-importanteng materyal upang makagawa ng bahay.
Ngunit, ligtas nga ba kung ang pagkakaayos ng mga hollow blocks ay 'di tulad sa nakasanayan?
Umani ng iba't-ibang reaksyon ang isang post matapos magbahagi ng larawan ng isang netizen kung saan makikitang pantay-pantay ang pagkakahanay sa hollow blocks.
Marami ang nagpahayag ng kani-kanilang opinyon. Mayroong mga nagsabing ang pwesto daw ng hollow blocks ay mapanganib lalo na kapag may dumaang unos kagaya na lamang ng lindol. Ang iba nama'y natawa na lamang.
Ang pagkakahanay ng mga ladrilyo sa bahay na ito sa Largo, Quezon City ay tinatawag na "stack-bond design". Madalas itong ginagamit sa mga bansang Japan, Saudi at America. Kaiba sa karaniwang paghahanay, ang "running bond", kung saan magkakasalisi ang hanay ng mga bloke.
Mas mahal din ang paggawa sa paraan ng stack-bond kumpara sa running bond.
Ayon pa sa website na doityourself.com, kalimitang ginagamit ang "stack-bond" upang maganda ang disenyo ng istruktura. Subalit, higit na mas matibay daw ang "running bond" dahil sa paraan ng pagkakalagay nito, masisiguro ang katagagan.
Mayroon mang ganitong uri ng paggawa ng yari ng bahay, may iba pa ring hindi nakakatiyak kung ligtas ba ito. Nagkalat na rin kasi ang samu't saring opinyon sa internet. Nagugulumihanan, hindi alam kung sino ang paniniwalaan.
Ngunit, anuman ang nais na istilo ng bahay, nararapat pa ring magtanong sa eksperto. Para makakasiguro ka sa kaligtasan ng iyong pamilya.
Source: The Relatable
No comments