Ang pagmamahal ng ating mga magulang sa atin ay kailanman hindi mapapantayan ng kahit anong bagay. Hindi nila iniinda ang hirap at sakripisyo na kanilang pinagdadaanan dahil ang nais lamang nila ay mabigyan tayo ng magandang buhay at kinabukasan. Kaya naman bilang mga anak, dapat nating mahalin, respetuhin, at alagaan o pagsilbihan ang ating mga magulang kapag sila ay tumanda na.
Ang di pagbibigay galang o pananakit sa magulang ay napakalaking kasalanan sa mata ng Diyos at sa batas nating mga tao.
Kagaya na lamang ng isang ina na pinagpapalo ng kaniyang anak gamit umano ang isang tabla hanggang sa masira ito.
Sa larawan na ibinahagi ng socmed page na "Titang Sultan News", makikita ang sinapit ng isang ina matapos itong pagmalupitan at pagpapaluin ng isang tabla ng kaniyang anak.
Nakilala ang anak ng biktima sa pangalan na Marlon Siriban. Sa sakripisyo at hirap na ginawa ng kaniyang ina para sa kaniya para lamang bihisan at palakihin siya ng maayos, ang ganti lamang ng mapanakit na anak nito ay saktan at pagmalupitan ang kaniyang ina.
Si nanay ay nakatira sa Lal-lo Cagayan at dumulog sa programa ni Raffy Tulfo para manghingi ng tulong sa beteranong mamamahayag para sa kaniyang pagpapagamot at para na din maparusahan ang anak na walang awa siyang sinaktan.
Ang ina na ito ay puro pasa at sugat sa mukha dahil sa pagmamalupit ng kaniyang anak sa kaniya. Kaya naman nais ng mga kapatid at kaanak ng biktima na sana ay mahuli itong si Marlon para pagbayaran niya ang ginawa niya sa kaniyang ina.
Basahin sa ibaba ang kabuuang post:
"Isa na namang nakakaawang ina ang sinaktan ng sariling anak. Pinagpapalo ng malapad na tabla ang mukha at iba pang bahagi ng katawan ng sarili niyang ina. Ginawa niyang parang chopping board ang mukha ng sariling ina.
"Kaya naman nanawagan ang mga kapatid at kaanak ni nanay na sana madakip itong si (marlon siriban jr.)."
Source: The Relatable
No comments