Hindi na bagong isyu sa mag-asawa ang pagiging di-tapat sa kani-kanilang asawa. Karaniwan na, kahit kasal na ang isang lalaki sa isang babae, mayroon pa din itong romantikong ugnayan sa ibang babae na nagiging dahilan ng selos at away na minsan nga ay nauuwi pa sa paghihiwalay.
Syempre pa, lahat ng babae ay nagnanais na masolo ang kaniyang mahal na asawa at makuha ang buong atensyon at pagmamahal nito buong buhay niya.
Pero hindi ganiyan ang kaisipan ng isang babae sa Malaysia na nagngangalang Khuzatul Atiqah.
Naging maselan ang pagbubuntis si Khuzatul anupat hindi na niya maalagaan at mapagsilbihan ang kaniyang asawa na si Samuel Dzul.
Napapansin din ni Khuzatul na palaging pagod ang kaniyang asawa pag-uwi galing sa trabaho pero ang asawa niya pa din ang mag-aasikaso ng mga gawaing bahay at nag-aalaga pa sa kaniya.
Dahil dito, napagdesisyunan ni Khuzatul na maghanap ng isa pang asawa para sa asawa niya upang may mag-alaga rito.
Hindi naman tumutol si Samuel sa plano ni Khuzatul. Yamang sila ay ga Muslim, karaniwan na ang pagkakaroon ng higit pa sa isang asawa sa kanilang kultura.
Agad naman isinagawa ni Khuzatul ang kaniyang plano hanggang sa matagpuan niya ang magiging pangalawang asawa ng kaniyang mister.
Nakilala ni Khuzatul si Nur Fathonah na isang single mom. Nang sabihin ni Khuzatul ang pakay niya kay Nur, hindi naman ito makapaniwala na makakapag-asawa pa siyang muli.
Nang makita nila na parehas silang makikinabang sa kasunduang ito, agad din naman nilang isinaayos ang kasalan.
Makikita naman sa facebook post ni Samuel Dzul ng larawan nila na kaniyang dalawang asawa at ang step-daughter nito.
Masayang masaya naman si Khuzatul dahil nakahanap siya nang isang mabuting asawa na mag-aalaga sa kaniyang mister habang buntis siya. Gayundin, nakahanap din siya ng isang kaibigan sa katauhan ni Nur.
Kakaiba man ang set-up ng kanilang pamilyang, umaasa sila na magiging masaya ang kanilang pagsasama.
Source: The Relatable
No comments