Sophie Albert, Diretsahang Tinanong Ang Partner Na Si Vin Abrenica Tungkol Sa Mga Lalakeng Natutukso

Sa bagong YouTube vlog na inilabas ni Sophie Albert sa kanilang YouTube channel na may pamagat na "Questions We've Never Asked Each Other + Mukbang", diretsahan niyang tinanong ang kaniyang partner na si Vin Abrenica kung totoo ba na hindi madaling maka-resit ng temptation ang mga lalaki.

Diretsahang tanong ni Sophie sa aktor, "Do you believe men can't resist temptation if temptation is there?"

Sagot naman ni Vin, "Lahat naman is nate-tempt."

Ayon sa aktor at new dad, parang unfair sa mga lalaki dahil tila sa kanila lang nakatuon ang usapin pagdating sa temptation at cheating.

Paliwanag pa niya,

"'Yung statement na sinabi na hindi talaga makaka-resist 'yung guy, I think that is unfair. Mayroon talagang temptations na nangyayari sa atin."

"Ang nakakalimutan ng statement na 'yun is God gave us a choice and that's his gift to humans, to man. Binigyan niya tayo ng choice to choose what's right and what's wrong. May taong cheater, will they always be a cheater all his life? Parang it's a choice, he chose to cheat. Or he chose to be tempted.

Dagdag pa ng aktor, "I think that's unfair for guys. It's not a matter of sex, biology. Kung lalaki ka or babae ka."

Saad pa ni Vin, hindi naman kailangan hanapin ng isang lalaki sa ibang babae ang pagkukulang ng kaniyang partner kung meron man. Sinabi pa niya na dapat ay makipag-usap muna ang mga lalaki sa kanilang partner kung sila ay mayroong problema sa isang relasyon.

Aniya,

"If it's not working in the first place, kapag hindi mo nakuha, why would you get something from other girls?

"Why not consult your partner first? Sabihin ko sa'yo this is what I want. Hindi mo maibibigay, then okay hindi mo maibigay sa akin 'yun, I think 'yung relationship natin might be at risk."

Para kay Vin, mas maganda na mag-usap muna upang malaman ang panig ng isa't isa at para na din magkaroon ng closure at mapagdesisyunan kung kailangan na ba talagang maghiwalay o tapusin na ang kanilang relasyon.

"Kung makapag-agree kayo na at risk nga 'yung relationship, kung ayaw niyo pa rin ang isa't isa then at least you have a closure first. E di maghiwalay kayo. Then you do the stuff that you want to do."

Paliwanag pa ng aktor, bawat isa sa atin ay mayroong choice sa kahit na anong sitwasyon.

Ani Vin,

"Choose. At least you're not gonna cheat but you're gonna do what you want that can satisfy you.

"'Yung pinakaano sa akin is you have a choice. you always have a choice."