“Ang tunay na kagandahan ay makikita sa ganda ng kalooban.”
Ito ang isa sa mga kasabihan na nagpapaala-ala sa atin na hindi importante ang itsura ng tao basta maganda ang ugali nito.
Photo credit: AsiaOne
Ngunit aminin man natin o hindi, napakalaking basehan ang panlabas na anyo o itsura upang mapansin o magustuhan tayo ng ibang tao. Minsan ito pa ang dahilan kung bakit madaling manghusga ng kapwa.
Samantala, binugb0g ng isang lalaki ang kanyang kasintahan na nakilala online nang magkita sila ng personal.
Ang buong akala ng lalaki ay mala-Diyosa ang kanyang girlfriend dahil sa mga larawan nito sa social media.
Parehas chinese national sina Huang at Xiaojin, hindi nila tunay na mga pangalan. Xiaojin ay may bilugang mata at flawless na balat. Sexy rin umano ito at maganda ang buhok.
Photo credit: Rachfeed
Kaya naman agad na na-inlove ang lalaki sa babae nang makita ang mga larawan nito sa “WeChat,” isang chinese social media application.
Agad na plinano ni Huang ang personal na pagkikita nila ni Xiaojin. Bumyahe siya ng malayo at gumastos ng malaking halaga ng pera upang makita, makasama at mahalikan na ang kanyang kasintahan.
Ngunit nagbago ang lahat nang magkita na sila. Hindi makapaniwala si Huang sa kanyang nakita. Tingin niya ay isang poser ang nagpakilalang Xiaojin sa kanya.
Ibang iba raw ang itsura ni Xiaojin sa personal kumpara sa mga larawan nito.
Ayon kay Huang, sa mga larawan umano ni Xiaojin ay makikita ang flawless at magandang balat, ngunit sa personal ay may mga butas ang mukha nito.
Mas mataba rin daw ang babae at singkit ang mga mata. Samatalang ang kanyang girlfriend ay sexy at bilugan ang mga mata.
Ipinaliwanag ni Xiaojin kay Huang na siya ang kasintahan nito at inamin rin niyang may filter at edited ang kanyang mga larawan.
Ani Xiaojin, dapat ay mahalin pa rin siya ni Huang dahil siya at ang babaeng nakilala niya online ay iisa. Aniya, hindi siya gumamit ng make-up upang ipakita ang totoong “siya.”
Photo credit: Rachfeed
Ngunit ayaw makinig ni Huang sa paliwanag ng babae. Sa kanyang galit ay binugb0g nito si Xiaojin sa publiko.
Kinailangan siyang dalhin sa ospital upang magamot ang mga sugat nito.
Hindi naman nagsisisi si Huang sa kanyang ginawa. Aniya, pakiramdam niya ay niloko siya.
Nagkaroon ng settlement ang dalawa nang dalhin sila sa police station at agad na umuwi si Huang.
Bago umalis ng presinto ay sinabi ni Huang na hinding hindi na siya makikipag relasyon sa kahit na anomang social media sites.
***
Source: Rachfeed
Source: News Keener
No comments