Isang security guard na ama, kasama ang anak sa duty para maalagaan, hinangaan ng mga netizens

Tunay nga namang walang papantay sa pagmamahal ng isang magulang lalo na kung pinagsasabay nito ang pagtatrabaho at pag-aalaga sa anak.

Photo credit: Jeff Magno

Kung tutuusin ay napakahirap magtrabaho habang may batang inaalagaan dahil nahahati ang iyong atensyon.

Subalit marami pa rin ang gumagawa nito. Hindi dahil sa gusto nila, kundi dahil wala naman silang magawa dahil sa sitwasyon. Katulad na lamang ng isang security guard sa isang pawnshop na ibinahagi ng netizen na si Jeff Magno.

Kwento ni Jeff, nakapila siya sa loob ng pawnshop kasama ang pamangkin ng mapansin niya ang security guard at isang bata.

Dahil na-curious siya, tinanong ni Jeff ang security guard at mas lalong naantig ang kanyang puso sa nalaman.

Photo credit: Jeff Magno

Nalaman ni Jeff na may sakit pala ang bata at ipinanganak pala itong pre-matured.

Wala raw talagang mag-aalaga sa bata kaya naman ang naging solusyon ng ama ay dalhin na lamang ang kanyang anak sa trabaho upang mabantayan ito at maalagaan.

Mabilis namang kumalat na parang apoy sa social media ang kwento ng mag-ama. Maraming netizens ang humanga sa security sa pagiging huwarang ama nito.

Photo credit: Jeff Magno

Marami rin ang pumuri sa may-ari ng nasabing pawnshop dahil naiintindihan niya ang kalagayan ng security guard.

Narito ang buong post ni Jeff:

“Share ko lang po.

Kaninang tanghali sa Cebuana Lhuillier sa Pacita branch habang kami ay nakapila ng aking pamangkin naantig ang puso ko sa isang security guard na may bitbit na bata habang sya'y naka duty. Tinanong ko si manong guard kung may sakit ba yung anak nya, ang sabi nya saakin pinanganak kasing pre-matured ang anak nya kaya matamlay ito. Nabilib lang ako sa kanya dahil sinisikap nyang pagsabayin ang kanyang trabaho at pag-aalaga sa kanyang anak. Saludo ako sayo manong guard napakabuti mong ama!”

Narito naman ang ilang komento ng mga netizens: