Hindi nakapagpigil si Donnalyn Bartolome, isang singer-rapper, na pabulaanan ang isang netizen na tinawag siyang “cheap” dahil sa bag nakaniyang dala habang bumibili ng luxury car.
Isa si Donnalyn Bartolome sa mga matatagumpay na vlogger ngayon sa Pilipinas. Sa katunayan, siya ay tinagurian ring “Social Media Goddess” dahil sa kaniyang pamamayagpag bilang isang social media influencer at YouTube content creator.
Sa kasalukuyan,umabot na sa humigit-kumulang anim na milyonnaangkaniyang subscribers sakaniyang YouTube Channel. Ngunit sa kabila ng kasikatan ng dalaga, hindi maikakailang nanatili itong simple at nmapagkumbaba.
Gayunpaman, hindi pa rin naiwasan ng dalaga ang mga pang-iinsulto.
Kamakailan lamang, bumili ng sports car ang dalaga para sa sarili. Ini-upload naman niya sa kaniyang YouTube Channel ang video nang pagpunta niya sa isang car store na nagbebenta ng mga magagarang sasakyan.
Matapos nito, ibinahagi ni Donalyn sa isang post sa socmed ang screenshot ng komento ng nasabing netizen, tinawag siya nitong cheap dahil daw isang Burberry Bag lamang ang kaniyang gamit habang bumibili ng isang sports car, noong ika-30 ng Disyembre 2020.
Pinuna ng nasabing netizen ang dala-dalang bag ni Donnalyn sa panahong iyon. Sinabi ng nauna na mukha lamang daw pupunta sa isang convenience store ang babae dahil sa hindi gaanong marangyang bag.
“Buying luxuries car with burberry purse?! Eeww! So cheap! She looks like she just going to a convenience store,”saad ng netizen.
Hindi pinalagpas ni Donnalyn ang komentong ito.
Sa kaniyang tugon ukol sa bagay na ito, binigyang-diin niya ang kahalagahan ng pagiging isang tao na may pera ngunit hindi nagmamalaki kaysa sa isang taong nagmamayabang ngunit walang pera.
“And this, kids is a perfect example of why it’s important to not be the girl with a $10,000 bag that doesn’t have $10,000 in it. Don’t go broke trying to look rich” ani Donnalyn.
"My Burberry may not be the most expensive bag but when you look inside you'll see why I call it my lucky bag . Beyonce will back me up on that hunnniieeeee. Jisoo tuu~," tukoy nito sa mga sikat na personalidad.
Samantala, marami naman ang nagpabatid ng pagsang-ayon sa pahayag ni Donnalyn.
Source: The Relatable
No comments