Maja Salvador, Ipinakita Na Sa Wakas Ang Loob Ng Kanyang Pinaka High-Tech Na Van

Mapapansin na halos lahat ng artista ay mayroong kani-kanilang mga sasakyan na nakalaan para sa kanilang trabaho. Iba’t-ibang uri angmga ito. Ito ay dahil sa kanilang mga gamit at kung minsa’y ginagawang pahingahan lalo na kung mayroon silang mga sh00ting.

Nito lamang nakaraan, ibinahagi ni Maja Salvador ang kaniyang TUNED in STYLE Customized Van Tour sa kaniyang Youtube Channel, #MeetMaja. Ang van niyang ito ay pinangalanan niyang ‘Ari’ na kaniyang hinango sa pelikula niyang “Arisaka”.

Aniya, kaya raw ito ang kaniyang pinangalanan ay dahil nais niya raw sana itong gamitin habang ginagawa ang pelikulang iyon, ngunit dahil kaniyang pina-customize ay hindi nangyari ang ninanais.

Masayang pinakita ni Maja ang loob ng kaniyang van. Sa pagpasok dito, bubungad ang mga Power Captain Seats, hindi lamang ito ordinaryong upuan.

Ito ay mayroong heater at massager, dahil gustong-gusto raw ni Maja ang nagpapamasahe. Nare-recline din ang mga ito upang maging komportbale siya kapag nagpapahinga. Mayroong apat na upuang ganito sa loob ng van.

Pinapaliwanag naman ng mga Pin lights at Star lights ang buong van. Ultimo mga Cup Holder ay mayroon ding mga ilaw. Sa baba naman nito ay ang Touch Sensitive Controls.

Kung kinakailangan naman ng privacy ay mayroong Privacy glass na nakapagitan sa driver’s seat at sa loob ng van, na maaaring makontrol sa isang switch. Mayroon ding mga window blinds ang binate ng sasakyan.

Sa usapang libangan, hindi ito pahuhuli.Sapagkat nagpalagay na rin si Maja ng 32” Smart TV gayundin sa Android Head Unit kung saan maaaring making ng musika, radyo at iba pa. Mayroon din siyang mga Outlets at USB ports.

Makikita rin ang mga lagayan ng gamit o mga storage drawers para sa mga pangapangailanagn ng artista. Kung kakailanganin din naman daw niya ng kainan ay mayroon siyang pull-out tables. Maaari rin daw siyang mag-ayos ng sarili dito at ilabas na lamang ang kaniyang vanity mirror.

Napakalaking bagay daw nito para sa aktres sapagkat maaari niyang maramdaman na nasa bahay siya kahit malayo siya sa tahanan.