Sa usaping paghahanap ng "true love", para sa aktres na si Gladys Reyes, mas mabuti umano kung ito na ang iyong magiging "first and last". Ito din ang sikreto kung bakit matagal at going strong pa din ang pagsasama nila ng kaniyang asawa.
Si Gladys Reyes at kapwa aktor na si Christopher Roxas ay mahigit ng 25 taon na nagsasama bilang mag-asawa. Hiling din ng aktres na sana ang makakatuluyan ng kaniyang mga anak ay ang kanilang first love.
Unang nagkakilala sina Christopher at Gladys sa teleserye na "Mara Clara" kung saan din sila nahulog sa isa't isa at hindi nagtagal ay naging magkarelasyon.
Nitong Enero 2018 nga lamang ay inulit pa ng dalawa ang pangako nila para sa isa't isa. Ang dalawa ay masaya pa din na nagsasama hanggang ngayon at sila ay biniyayaan ng apat na anak.
Sa trabaho ni Gladys sa bagong teleserye ng GMA Network na "Madrasta", hindi naman mapigil na maitanong sa aktres kung ayos lang ba sa kaniya na magkaroon ng isang "madrasta" bilang girlfriend ang kaniyang anak.
13-anyos na ngayon ang panaganay na anak ni Gladys. Ayon sa aktres, nais din niya na magkaroon ang kaniyang anak ng love story na katulad ng kaniya at kay Christopher pagdating ng tamang panahon.
Paliwanag niya,
“Hindi po sa nagsasalita ako ng tapos na ayoko mag-end up ang anak ko na may madrasta pero mas maganda iba kasi siyempre yung naging experience ko, ‘di ba, kami ni Christopher, talagang first and last gano’n iba eh.”
Ngayon na teenager na ang kaniyang panganay na anak, sinabi ni Gladys na nais niyang makilala ang babae, na liligawan ng kaniyang anak, ng mas mabuti.
Saad niya,
"Tinatanong nga ako paano kapag may girlfriend eh 13 lang siya, sabi ko kailangan makilala ko siya at makilala niya ako so let's see pero hindi naman po lalo na iba na panahon ngayon.”
Si Gladys ang gaganap na Dr. Elizabeth, ang ina ng lead character na si Sean na gagampanan naman ng aktor na si Juancho Trivino sa bagong teleserye ng GMA na "Madrasta."
Source: The Relatable
No comments