Marami na sa mga online shops at online shopping applications ngayon ang nagkakaroon ng mga sale para na din mas maakit pa ang kanilang mga mamimili na magpatuloy lamang sa pagbili ng produkto mula sa kanilang sites. Isa na ngang advantages ng mga online shopping ngayon ay ang door-to-door delivery.
At sa bagong paraan na ipinatupad nila ngayon para masiguro na ligtas at na-deliver ng maayos ang mga produkto sa kanilang mga mamimili, madalas ay hinihingan na ang mga delivery partners ng mga online stores ng "proof of delivery".
Ang ilan pa nga ay inire-require na kuhanan ng larawan ang tao na kumuha ng order kasama ang parcel na nai-deliver sa kaniya bilang patunay na natanggap na niya ang kaniyang order.
Kaya naman may ilan na nagpapaganda at todo pose pa na tila sila mga supermodels sa tuwing sila ay kinukuhanan ng larawan kasama ang kanilang mga parcel.
Sa mga larawan na ito na naging viral kamakailan lamang sa social media, makikita ang isang babae na nakasuot ng pink shirt na nagpo-pose pa na tila siya ay isang model mula sa isang magazine habang nakahawak sa parcel na nai-deliver sa kaniya.
Sa kabilang banda, ang delivery guy naman ay napapangiti na lamang habang kinukuhanan siya ng larawan.
Ang isa naman ay nag-"pogi" pose pa habang hawak hawak ang parcel na natanggap na niya. Ang delivery rider naman ay nag-effort pa sa pagkuha ng larawan ng lalaki.
Ang isa namang netizen ay nag-pose pa ng nakakaakit gamit ang parcel na kaniyang natanggap bilang prop. Ang delivery guy naman ay nag-effort ng sobra na lumapit sa receiver para makuhanan ito ng mas maganda at desenteng larawan.
At ang babae naman na ito na gumawa ng "proof of delivery" pictorial kung saan pinakita niya sa ilang mga larawan ang iba't ibang pose tulad ng fierce, sexy, at marami pang iba.
Talaga namang nakakaaliw at nakakapagbigay sa atin ng tuwa ang mga larawan na ito. Tila ito din ang nagbibigay goodvibes sa atin sa kabila ng nakaka-stress na sitwasyon na kinakaharap natin ngayon.
Tunay nga na ang ilang larawan na nakikita natin sa social media ay kaagad na nagbibigay saya at ngiti sa ating mga mukha.
Source: The Relatable
No comments