Kinumpirma ng singer na si Ice Seguerra ang nakakalungkot na balita na puman@w na ang kaniyang ama na si Decoroso "Dick" Seguerra noong Linggo, Nobyembre 15.
Sa isang Instagram post, ibinahagi ni Ice ang larawan ng kaniyang ama at inanunsyo na ang pamamaalam nito. Saad ni Ice,
"Umakyat na siya sa heaven bandang tanghali ngayong Nov. 15, 2020 para makipagvideoke kina Matt Monroe at Frank Sinatra."
Inilarawan ni Ice si Dick bilang isang “awesome father, husband, brother, lolo, friend, leader.
“He has touched many lives by his kindness, gentle support and most of all, his sense of humor.”
Sa mga nagdaang buwan, nakikipaglaban ang ama ni Ice sa sakit na c@nc34 na sinabi ng singer na nagdala umano para sa kaniyang pamilya na maging malapit at maayos ang mga dating hindi pagkakaunawaan.
Ayon kay Ice, natupad na din ng kaniyang ama na si Dick ang huling mga bagay na kaniyang hinihiling, kabilang na dito ang pagbabalik niya sa kaniyang childhood hometown sa Calauag, Quezon kung saan binisita niya ang libingan ng kaniyang mga magulang.
Sa isang Instagram post noong Oktubre 30, ibinahagi ni Ice na sinabi ni Dick na "handa" na umano siya na lumisan matapos magkaroon ng maayos at masayang pamumuhay.
Saad ng singer,
“Tinawag niya kaming lahat nung isang araw, handa na raw siya. He talked to all of us, with so much love and gratitude. Pagkatapos nun, ang sabi niya sa aming lahat, ‘Masaya ako’. At masaya rin kami dahil wala kaming ibang hangad kundi maramdaman niya ang kaligayahan. He deserves that.”
Dagdag pa niya,
“At this moment, we're making beautiful memories together. Walang patid na tawanan, kwentuhan, kantahan at siyempre minsan may iyakan. Pero magkakasama kami. At iyon ang pinakamagandang regalo sa aming lahat. We're spending our happiest days, together.”
Si Ice at Dick ay tinatawag ang isa't isa na "Pogi" base na din sa mga online posts ni Ice tungkol sa kanilang mga oras na magkasama. Iyon ay nanatiling totoo hanggang sa huling sandali ng buhay ni Dick noong Linggo ng umaga, base na din sa pagsasalaysay ng asawa ni Ice na si Liza Dino.
Sa Facebook, ibinahagi ng Film Development Council of the Philippines chairperson na si Liza Dino ang laawan ng huling pag-uusap nina Ice at Dick.
“’I love you, pogi’ — this is what Daddy fondly tells Ice. Ice would say I love you back then sing him his favorite songs.”
Dagdag pa niya,
“But today is special because Ice finally got the chance to tell daddy something that he’s never told him before... As he was standing by his side, he held his hand and said. ‘Thank you, daddy...for being the BEST dad.’”
Nagpasalamat din siya kay Dick para sa pagmamahal na binigay sa kaniya ng huli at pagturing sa kaniya nito bilang sarili niyang anak na babae.
“Daddy, rest ka na. No more pain… Wag po kayong mag-alala, aalagaan ko po at mamahalin ko po si Ice, and the whole family like the way you loved them. Mahal na mahal na mahal ka namin.”
Sinabi ni Ice na ang detalye ng lamay ni Dick ay iaanunsyo din kapag naayos na ang lahat.
“Thank you for all your prayers, good thoughts, and deeds that you've shown our family. Makakapahinga ka na, OG Pogi. No more pain. We love you always and forever, Daddy.”
Source: The Relatable
No comments