Sinagot ni Jessy Mendiola ang isang basher na nagsabing iiwan pa rin siya ni Luis, matapos mapuno sa mga pinaparatang sa kaniya.
Kumakailan lamang, sa isang vlog ng aktres na si Jessy Mendiola kung saan kasama niya rito ang nobyong si Luis Manzano, isa ring aktor at host.
Inamin ni Jessy na ang ilan sa mga pahayag ng mga bashers ay labis na nakakasakit ng damdamin.
Minsan na rin siyang tinawag na 'ahas' o 'third party'. Ayon sa aktres, bagama't nasanay na sa mga akusasyon ng mga tao lalo na sa social media, hindi pa rin maiiwasan na sumama ang kaniyang loob kahit hindi naman daw totoo ang mga ito.
"Actually, sinasabi kasi ng iba 'di ba na, dapat hindi ka nasasaktan kasi hindi totoo. But it's more like..... mas masakit kasi nga hindi totoo. Alam mo yun? Ganun ako, That's how I look at it. It even hurts more when it's not true."
Nilimaw nito na kapag daw kasi totoo ang isang bagay na binabato sa kaniya, 'di na lamang niya pinapansin, minsa'y inaako nya pa ito. Ngunit iba na raw kapag hindi naman totoo ang isang bagay.
Bukod sa mga ito, binabato rin ng mga bashers ang aktres ng mga masasakit na salita katulad ng kawalang balak umano ni Luis na pakasalan siya.
Ayon sa aktres, hindi niya maintindihan kung bakit pinipilit sila ng mga ito sa isang kasal.
"Tapos ‘yun, nao-offend ako kapag sinasabi ng mga tao na, ‘wala. Luis will leave you’. Although I know naman na it won’t happen. ‘Hindi yan magpopropose kasi babaero ‘yan.’”, dagdag ng aktres.
Para kay Jessy, kahit alam niyang 'di naapektuhan si Luis ay nao-offend daw siya para sa nobyo. Kaiba kay Luis na walang pakialam sa mga walang katotohanang paratang ng bashers, ang aktres ang mas apektado sa mga bagay-bagay na ito.
“Iba ‘yung feel ko na parang… ‘This is the person I love and I trust him with all my heart.’ Nakakainis lang na, bakit kailangan nilang makialam sa relasyon ng may relasyon. But then, dati 'yon."
Pahayag ng aktres na hindi katulad ng dati, hindi na niya dinaramdan ang sinasabi ng iba.
"Now I’m like… I’m more than comfortable with how we are and what’s about to happen. I don’t think there is anything that would offend me already." ani Jessy.
Hindi maitatangging, marami mga paninirang-puri ang natatanggap ng dalaga mula sa mga bashers. Sa ngayon, ay masaya na ang dalaga na natutunan na niyang 'wag masiyadong magpaapekto sa mga ito at maging masaya na lamang sa buhay.
Source: The Relatable
No comments