Marami sa mga YouTube vloggers ang ginagawa ang lahat ng kanilang makakaya upang makagawa ng maayos at nakakapagbigay saya na content para sa kanilang mga subscribers at viewers.
Ngunit, mayroon namang ilan ang nakakakuha pa din ng maraming views sa pamamagitan lamang ng paggawa ng mga karaniwang bagay.
Katulad na lamang ng Malaysian vlogger na naging viral sa social media dahil sa 2-hour video nito kung saan makikita na siya ay walang ginagawa na kahit ano. At ngayon naman, isang Filipino ang gumagawa ngayon ng ingay sa social media matapos nitong mag-live sa kaniyang social media account at idinokomento lamang ang kaniyang pagtulog.
Si Marnie Saez mula sa Cavite City ay mahimbing na natutulog ngunit hindi niya inaasahan na makakakuha ng 1 million views ang kaniyang live video pagkagising niya.
Ang viral sleeping video ay tum agar din ng ilang oras. Ani Saez sa caption,
"Time to sleep mga beshy tara sama kayo."
Nang gabing iyon, natulog na din si Saez na nakabukas pa din ang kaniyang live video.
Ang nasabing video ay umani ng mahigit na 1.8 million views at hanggang ngayon ay hindi pa natutukoy ang dahilan kung bakit ito umabot sa ganitong videws. Siguro ay hindi inakala ng iba na ang video ng isang natutulog na tao ay makakakuha ng ganoong karaming views.
Marami din sa mga netizens ang nagpahayag ng nakakatawang komento sa nasabing viral video. Mayroon ilan na nagsasabi na dapat ay mayroong mga card games nang sa gayon ay matutuwa ang mga tao habang pinapanood si Saez na matulog.
Mayroon naman ilang na nagsasabi na makakasiguro si Saez na walang mangyayaring kahit anong masama sa kaniya dahil sa dami ng tao na nanonood ng kaniyang pagtulog.
Ayon sa Buzzooks, sinabi ni Saez na siya ay masaya na maraming tao ang nag-aalala sa kaniya dahil pinapanood pa siyang matulog ng mga ito. Nagpapasalamat din siya sa lahat dahil nang mga oras na iyon ay nakakaramdam siya ng lungkot matapos makipaghiwalay sa kaniya ng live-in partner na kasama na niya sa loob ng 5 taon.
Habang may ilan na nagsasabi na ang ginawa niya ay para makapukaw lang ng atensyon at makaani ng maraming views, sinabi ni Saez na hangga't napapasaya niya ang mga tao habang pinapanood siya ng mga ito ay sapat na sa kaniya. Dagdag pa niya na nais lamang niyang magbigay ng good vibes at kasiyahan sa lahat.
Source: The Relatable
No comments