Isa si John Regala sa mga sikat at pinakamagaling na action star noong dekada 80 hanggang 90. Marami ang humahanga sa kaniya dahil sa galing niya sa pag-arte at pagganap sa mga villain roles. Siya din ay nakakuha ng maraming awards at nominations dahil sa galing sa pagganap ng bawat roles na ibinibigay sa kaniya.
Ngunit sa kabila ng pagiging sikat at tanyag sa industriya ng show business, si Regala ay nagpasyang magpahinga muna sa showbiz spotlight.
Kamakailan lamang, ipinakita ng isang Grabfood driver sa kaniyang Facebook post ang tunay na kalagayan ngayon ng dating actor na kaagad namang naging viral sa social media.
Ayon sa delivery food rider na si Carlo Marti Clariza, isang lalaki ang biglang lumapit sa kaniya at nanghihingi ito ng tulong dahil mahina na at nahihilo pa habang hinahanap ang kaniyang nurse. Nang mapagtanto ni Clariza na ito ay si Regala, kaagad siyang tumugon at tinulungan ang dating actor.
Kahit pa man mayroon siyang delivery noong mga oras na iyon, pinili ni Clariza na manatili sa tabi ng actor hanggang sa dumating ang mga barangay officials at health workers upang tulungan ito.
Sa kaniyang interview sa PEP.ph, sinabi ni Clariza na kaniyang natagpuan si Regala sa Barangay 183, Pasay City. Hinahanap umano ni Regala ang isang nurse noong mga oras na iyon kaya naman lumapit ito kay Clariza upang tulungan siya na mahanap ito.
Ang nurse ay naka-schedule na mag-inject kay Regala ng gamot para sa kaniyang gout. Nang mapuntahan na ng mga barangay officials at health workers si Regala doon lamang umalis si Clariza.
Nang balikan niya naman ito, umalis na si Regala at sinabi ng mga barangay tanod na ito ay dinala na sa nurse na hinahanap nito para sa injection sa kaniyang gout.
Samantala, sinabi ni Clariza na kailangan sumailalim ni Regala sa isang operasyon dahil napupuno na ng tubig ang kaniyang tiyan. Inamin naman ni Regala na siya ay nagugutom ngunit hindi niya malasahan ang pagkain.
Dahil dito, maraming mga netizens ang nag-alala para sa kondisyon ng action star. Umaasa din sila na mayroong mga taong tutulong kay John upang magtuloy tuloy ang gamutan nito at gumaan na din ang kaniyang buhay.
Source: The Relatable
No comments