Namayagpag sa Miss Universe pageant scene ang mga Filipino designers dahil ilan sa mga kandidata nito ay nagpagawa ng kani-kanilang mga evening gowns sa mga designers mula sa Pilipinas. Sila ay sina Miss Philippines, Miss Romania, Miss Czech Republic, Miss Belize, Miss Cambodia, at Miss Cameroon.
Miss Czech Republic
Tila suki ang Dubai-based fashion designer na si Michael Cinco dahil maging si Miss Klára Vavrušková ng Czech Republic ay sa kanya rin nagpagawa ng evening gown para sa pamosong pageant.
Ang highlight ng disenyo ng gown ay ang multi-layered sleeves nito.
Miss Romania
Si Michael Cinco naman ang nag-disenyo ng gown ni Miss Romania Bianca Tirsin. Lalong lumitaw ang kagandahan ng Romania dahil sa suot nito.
Miss Cameroon
Siguradong mamamangha ka sa gown na suot ni Miss Kossinda Angele. Gawa ito ni Benj Leguiab IV, isa ring Filipino fashion designer.
Miss Cambodia
Kultura ng mga Cambodia ang sinisimbolo ng bawat detalye ng gown ni Miss Cambodia Sarita Reth.
Ang gown ay idinisenyo ni Rian Fernandez na nagdidisenyo ng gown ng Miss Universe Cambodia mula pa noong taong 2018.
Miss Belize
Ipinakita naman ng Filipino fashion designer na si Jian Lasala na kaya niyang makipagsabayan sa ibang international fashion designers.
Hindi karaniwan ang disenyo ng evening ni Miss Iris Salguero dahil sa cut nito. Pag-amin ni Lasala, ang gown na ito ang isa sa mga pinamadetalye at pinakamahirap na disenyong ginawa niya.
Miss Philippines
Hindi maikakailang isa si Rabiya Mateo sa mga nangugunang kandidata sa Miss Universe 2020.
Bagaman hindi siya ang nakasungkit ng korona ay marami naman ang humanga sa kanya dahil sa kanyang determinasyon, personalidad, at angking kagandahan na lalong tumingkad nang rumampa siya noong prelims suot ang yellow evening gown ng Filipino Dubai-based fashion designer na si Furne One.
Ang mga gown na gawang sa Miss Universe pageant ay nagpapatunay lamang na pang-international ang talento ng mga Pilipino.
Hindi man naiuwi ng Pilipinasa ang korona ng Miss Universe 2020 ay taos-pusong pinagmamalaki ng mga kapwa Pilipino ang mga talentadong Pinoy designers.
Source: The Relatable
No comments