Kinaaliwan ng publiko ang larawan na nagtrending sa socmed kung saan makikita ang isang bata na nakatulog na sa ibabaw ng mga gift wrapper dahil marahil sa pagod na ginawang pagwi-window shopping kasama ang kaniyang ina sa isang home supply store sa Cagayan de Oro.
Ayon kay Judah Abonitalla, ang ina ng batang si Zacs sa larawan, nagtitingin tingin umano sila sa Mr. DIY Cogon kasama ang kaniyang mga anak habang hinihintay ang kaniyang asawa para sila ay sunduin na.
Nang mapadako na umano sila sa parte kung saan nakalagay ang mga party decors, napansin umano ni Judah na bigla na lamang nawala ang kaniyang 3-anyos na anak na si Zac sa kinauupuan nito.
Kahit pa man nakaramdam ng takot at kaba sa kung saan na nakarating si Zacs, mas nanaig kay Judah ang huwag mag panik sa sitwasyon at mahinahon nitong hinanap ang kaniyang anak. Sa kaniyang pag-iikot sa nasabing store, doon ay nakita niya naman ang pares ng tsinelas ng bata.
Nawala ang pangambang nararamdaman ni Judah nang may magsabi sa kaniya na nakita umano nila si Zacc na natutulog sa istante ng mga gift wrappers.
Mahimbing na mahimbing pa ang tulog ni Zacc nang siya ay makita ng kaniyang ina na nakahiga sa gift wrappers. Siguro ay marahil dala ng sobrang pagod sa kanilang pag-iikot kaya ito ay nakatulog na.
Samantala, marami naman sa mga netizens ang naaliw sa bata na nagsabi pa ang ilan na ito ay cute at funny.
Si Zacc kasi ay hindi din katulad ng ibang mga bata na sobrang malikot sa tuwing pumupunta sa mga shopping malls. Itong si Zacc daw ay tila naghanap na lamang ng kaniyang pwesto para siya doon ay makapagpahinga ng sandali.
Mayroon pa ngang mga netizens na nagsasabi na 'tulog is life' daw para kay Zacc.
Source: The Relatable
No comments